 |
| എസ് എസ് എഫ് മുന്‍ സംസ്ഥാന പ്രസിഡണ്ട്‌ കെ ടി ത്വാഹിര്‍ സഖാഫി മഞ്ചേരി പ്രചാരണോദ്ഘാടനം നടത്തുന്നു |
കുവൈത്ത്: ലോകത്ത് വിജ്ഞാനത്തിന്റെയും വിമോചനത്തിന്റെയും സ്വത്വബോധ ത്തിന്റെയും വിപ്ലവം സൃഷ്ടിച്ച പ്രവാചകന്‍ മുഹമ്മദ്(സ്വ)യുടെയും ആ പ്രവാചകര്‍ക്കായി ഉയിര്‍ സമര്‍പ്പിക്കാന്‍ സ്വയം സന്നദ്ധരായ അവിടുത്തെ അനുയായികളുടെയും ത്യാഗങ്ങളില്‍ നിന്ന് മാതൃകയുള്‍ക്കൊണ്ട്, ആധുനിക ലോകത്ത് മാനവീകതയെ മുച്ചൂടും നശിപ്പിച്ചു കൊണ്ടിരിക്കുന്ന അധര്‍മ്മത്തിനും അനീതിക്കുമെതിരെ ധര്‍മ്മസമരത്തിനിറങ്ങാന്‍ യുവസമൂഹം സന്നദ്ധരാവ ണമെന്ന്, കേരള സ്റ്റേറ്റ് എസ്.എസ്.എഫ്. മുന്‍ പ്രസിഡന്റ് കെ.ടി. ത്വാഹിര്‍ സഖാഫി മഞ്ചേരി ആഹ്വാനം ചെയ്തു.
കുവൈത്ത് എസ്.വൈ.എസ്. മാര്‍ച്ച് 4ന് അബ്ബാസിയ ടൂറിസ്റ്റിക് പാര്‍ക്കില്‍ സംഘടിപ്പിക്കുന്ന രണ്ടാമത് അന്താരാഷ്ട്ര മീലാദ് സമ്മേളനത്തിന്റെ പ്രചരണോദ്ഘാടനം നിര്‍വഹിച്ചു സംസാരിക്കു കയായിരുന്നു അദ്ദേഹം. യുവസമൂഹത്തെ മതത്തില്‍ നിന്നും മതത്തിന്റെ സനാതന മൂല്യങ്ങളില്‍ നിന്നുംഅടര്‍ത്തി യെടുക്കാനും അതുവഴി അവരുടെ യഥാര്‍ത്ഥ ജീവിത ലക്ഷ്യം വിസ്മരിച്ചുകൊണ്ട് ആഡംഭരത്തിന്റെയും ആസക്തിയുടെയും അടിമകളാക്കി, ജീവിതം എന്നാല്‍ സുഖിക്കുക, പരമാവധി സുഖിക്കുക എന്നതാക്കി മാറ്റാനും, ആധുനിക കമ്പോള-മുതലാളിത്ത വ്യവസ്ഥിതി കഠിന യത്‌നം നടത്തുകയും, അതില്‍ ഒരു പരിധി വരെ അവര്‍ വിജയിക്കുകയും ചെയ്യുമ്പോള്‍, യുവസമൂഹം അതിദയനീയമാംവിധം പരാജയത്തിന്റെ അഗാധതയിലേക്ക് ആപതിച്ചു കൊണ്ടിരി ക്കുകയാണ്. ഈ യാഥാര്‍ത്ഥ്യം ഉള്‍ക്കൊണ്ടുകൊണ്ടാണ് സുന്നി യുവജന പ്രസ്്ഥാനം അതിന്റെ അജണ്ടകള്‍ നിശ്ചയിക്കുന്നത്.
മാനവ വിമോചനത്തിനുള്ള ധര്‍മ്മ സമരത്തില്‍ എക്കാലത്തേക്കുമുള്ള ലോക മാതൃകയായ പ്രവാചകര്‍ മുഹമ്മദ്(സ്വ)യുടെ ജന്മദിനത്തോടനുബന്ധിച്ചു നടക്കുന്ന എല്ലാ പരിപാടികളും ആ ലക്ഷ്യം മുന്നില്‍ വെച്ചു തന്നെയാവല്‍ ആ പ്രവാചകനോടു കാണിക്കുന്ന കൃതജ്ഞത യായിരിക്കും. അതിനാല്‍ ഓരോ എസ്.വൈ.എസ്. പ്രവര്‍ത്തകനും അവരുടെ ബാധ്യത നിര്‍വഹിക്കാന്‍ മുന്നോട്ടു വരിക എന്നത് കാലഘട്ടം അവരില്‍ നിന്നു പ്രതീക്ഷിക്കുന്നു - അദ്ദേഹം ഓര്‍മ്മപ്പെടുത്തി.
കുവൈത്ത് എസ്.വൈ.എസ്. പ്രസിഡന്റ് അബ്ദുല്‍ ഹകീം ദാരിമി അദ്ധ്യക്ഷനായിരുന്നു. വൈസ് പ്രസിഡന്റ് അലവി സഖാഫി തെഞ്ചേരി പരിപാടി ഉദ്ഘാടനം ചെയ്തു. പോസ്റ്റര്‍ സയ്യിദ് അബ്ദുറഹ്മാന്‍ ബാഫഖി തങ്ങള്‍ പ്രകാശനം ചെയ്തു. കെ.കെ.പി. അബ്ദുറഹീം ബാഖവി, സയ്യിദ് ഹബീബ് അല്‍ ബുഖാരി, കെ. നിസാര്‍ മൗലവി തുടങ്ങിയവര്‍ സംബന്ധിച്ചു. ശുകൂര്‍ കൈപ്പുറം സ്വാഗതവും സി.ടി. അബ്ദുല്ലത്തീഫ് നന്ദിയും പറഞ്ഞു.
 |
| പോസ്റ്റര്‍ സയ്യിദ് അബ്ദുറഹ്മാന്‍ ബാഫഖി തങ്ങള്‍ പ്രകാശനം ചെയ്യുന്നു |
No comments:
Post a Comment
Note: only a member of this blog may post a comment.