ഫര്‍വാനിയ: സിവില്‍ സര്‍വീസ് അക്കാദമി, പ്രൊഫഷണല്‍ സ്റ്റുഡന്റ്‌സ് സ്‌കോളര്‍ഷിപ്പ്, കരിയര്‍ ഗൈഡന്‍സ് സെന്റര്‍ തുടങ്ങി വിധ്യാഭ്യാസ മേഖലയില്‍ കേരളാ സ്റ്റേറ്റ് സുന്നി സ്റ്റുഡന്റ്‌സ് ഫെഡറേഷന്‍ നടത്തിക്കൊണ്ടിരിക്കുന്ന ക്രിയാത്മക ഇടപെടലുകളുടെ പ്രചരാണാര്‍ത്ഥം കുവൈത്തിലെത്തിയ സംസ്ഥാന അദ്ധ്യക്ഷന് എന്‍ എം സാദിഖ് സഖാഫിക്ക് രിസാല സ്റ്റഡി സര്‍ക്ക്ള്‍ ഫര്‍വാനിയ സോണ്‍ കമ്മിറ്റി ഉജ്ജ്വല വരവേല്‍പ്പ് നല്‍കി.
ഹാഫിള് ഉസാമതിന്റെ ഖിറാഅത്തോടെ ആരംഭിച്ച വരവേല്‍പ്പ് ആര്‍ എസ് സി ഫര്‍വാനിയ വര്‍ക്കിംഗ് ചെയര്‍മാന്‍ അബ്ദുല്‍ റസാഖ് ചെമ്മണ്ണൂരിന്റെ ആദ്ധ്യക്ഷതയില്‍ ഐ സി എഫ് പ്രസിഡണ്ട് അബ്ദുല്‍ ഹകീം ദാരിമി ഉദ്ഘാടനം ചെയ്തു. ഐ സി എഫ് സെക്രട്ടറിമാരായ സി ടി അബ്ദുല്‍ ലത്വീഫ്, എഞ്ചിനിയര്‍ അബൂ മുഹമ്മദ്, ആര്‍ എസ് സി ഗള്‍ഫ് ചാപ്റ്റര്‍ ജനറല്‍ കണ്‍വീനര്‍ അബ്ദുല്ല വടകര, മമ്മു മുസ്‌ലിയാര്‍, മുഹമ്മദ് ബാദുഷ മുട്ടന്നൂര്‍, അബ്ദുല്‍ ലത്വീഫ് സഖാഫി, അബ്ദുല്‍ ഗഫൂര്‍ എടത്തുരുത്തി, ബഷീര്‍ അണ്ടിക്കോട്, ജഅ്ഫര്‍ മുളിവയല്‍ തുടങ്ങിയവര്‍ ആശംസകളര്‍പ്പിച്ചു. തുടര്‍ന്ന് എന്‍ എം സാദിഖ് സഖാഫി മറുപടി പ്രസംഗം നടത്തി. സലീം മാസ്റ്റര്‍ കൊച്ചനൂര്‍ സ്വാഗതവും ഹബീബ് കാക്കൂര്‍ നന്ദിയും പറഞ്ഞു.
No comments:
Post a Comment
Note: only a member of this blog may post a comment.